Потребни состојки:
- 375 грама путер од кикирики
- 170 грама шеќер во прав
- 1 јајце
- 130 грама чоколаден чипс (или чоколадо исечкано на мали парчиња)
Начин на подготовка:
Загрејте ја рерната на 180 степени и поставете хартија за печење во два сада за печење. Во сад со средна големина, измешајте ги путерот од кикирики, шеќерот и јајцето. Откако добро ќе се соединат, турете го и чоколадото додека сè уште мешате. Со помош на голема лажица направете мали топчиња од тестото и потоа исправете ги и наредете ги на садот за печење. Печете од 9 до 11 минути или сè додека не добијат светло златна боја околу рабовите. Дозволете да се оладат пред да ги тргнете од хартијата за печење.
